本黎打算去游乐场，不过天气预报话有暴风雨所以就取消佐，结果呢几日都放晴，我好唔开心。其实呢几日我都有D若有所失既感觉，我念可能系因为前几晚同鱼头打果个电话啦。唔知系唔系今日睇得电视多呢，我忽然间好想喊，连我自己都唔知点解。我一向都系甘，以前系甘，依家都系，无缘无故又会想喊。鱼头讲得好o岩，我个人…成日都要将自己搞到好累，咩都要自己收埋。永远相信自己多过我人地，永远都中意靠自己去处理问题。当距话，唔知道我当距地系几重要既人，叫我以后唔好甘，有时候试下将D问题卸落黎，俾朋友借个膊头帮我顶一顶。果时，我真系好感动，其实，我都知道，我真系好硬劲好硬劲。

由细到大，我都唔输得，无论咩事，我都好自卑，我越自卑，就越唔输得。好多时候，我都会唔认同你地既睇法，我成日就认住自己念既系o岩既。我成日都甘硬劲，对唔住啊，要你地有一个甘既朋友，呢几日，我唔出街，我一个人念佐好多。我知道，我又系度胡思乱想啦。

我都唔知点解，我会变到甘保护自己，变到唔识同人沟通。我果日听到你同我讲D野，我知道你担心我，我当时除佐感动根本都念唔到其他野。我真细傻啊，做咩成日都要压抑自己喔。点解我要同我最好既朋友讲我无事喔，我依家想好大声甘讲啊，其实我有事噶，果大半年，其实我好辛苦好辛苦好辛苦好辛苦，我每日都同学校班同学玩得好开心甘，其实我好唔开心，我系学校嘻嘻哈哈，一落车就忍唔住喊，一个人对住厕所块镜喊，喊完又笑翻，然后讲D学校既笑话比你地听，依家我先至知，你唔讲，其实你一D都唔想听，你净系想知我点，但系我半只字都无讲过自己。连我既好朋友都睇得出我系度逼自己避自己，但系我竟然就甘过佐大半年，连自己都唔知。我连自己都厄埋，结果都厄唔好我个好朋友。你都睇得出我扯到自己变成一条就快断既橡筋，我仲以为自己好有性格。系你地面前，我又使咩扮坚强喔。其实我一D都唔坚强0既。点扮都唔似嘎啦。

我又喊啦，我阿妈行入黎，几乎俾距发现呀，如果你地系度就好啦，你又话借膊头俾我既，一个钟啦，你仲未复我电话呀！

俾你讲完之后既两日，我先有勇气正视我自己，其实我系好伤心好伤心，唔系无事！不过我依家喊，唔系因为我心痛，系我好后悔以前甘傻，我好后悔以前对你地太差啊！ 最大果个系我，最任性又系我。

 

你地一定又觉得我系度风花雪月，唔现实啦，我知嘎，我中意想多余野啊嘛。不过我呕翻晒出来，舒服好多啦。

拿，你仲未打翻电话俾我啊，不过我原谅你啦，你已经训到流晒口水啦甘既钟数。虽然，你依家do紧个job我仲系唔认同，不过我觉得你甘坚持其实好o力，同埋真系可以学到唔同既野，你讲过，个过程最重要啊嘛。如果自己enjoy，都唔需要理人家点睇，呢样野，o岩o岩跟你学既，我会俾心机做到伽啦！几个月前，我记得你同我讲过，我地既路越行越远，你觉得我已经同你脱节。当时，我真系接受唔到，你觉得你系唔系傻佐，同埋我仲有被离弃既感觉。我仲同戴佩尼吐苦水亚，我觉得你开始睇唔起个FRIEND，你呀，都未发达咋，就牙眨眨啦，几得人惊啊！我当时系度苦苦治疗内心伤口伽，你甘黎hurt我 ！我好脆弱伽嘛！

 

好眼训，听日约佐JACLNN睇戏，我训啦！GOOD NIGHT！其实我好中意你地伽，无话你知咋嘛，你都知我口硬伽。GOOD NITE， SWEETY！